"Humo" peshqadamlardan birini yirik hisobda mag'lub etdi

"Humo Arena"ning kichik majmuasida tashkil etilgan uchrashuvda "qanotlilar" yirik 5:1 hisobida zafar quchishdi. "Sariarka" ayni paytda turnir jadvalida 21 ochko bilan 3-o'rinni egallab turibdi. Ikkinchi o'rindagi "Arlan" jamoasi hisobida ham 21 ochko bor. 

"Humo" safida Dmitriy Grenc dublga erishgan bo'lsa, Vyacheslav Litovchenko, Vladislav Dyukarev va Aleksandr SHevchenko bittadan shaybaga mualliflik qilishdi. Mehmonlar tarkibida kiritilgan yagona shayba Aleksandr Konnov hisobiga yozildi.

Kechagi g'alabadan keyin "Humo" klubi 15 ochko bilan 7-pog'onadan joy olgan. Lekin mamlakatimiz jamoasi "Sariarka"dan 3 ta o'yin kam o'tkazgan. Bugun bu ikki jamoa yana bir bor muzda to'qnash kelishadi. "Humo" - "Sariarka" uchrashuvi soat 19:30 da boshlanadi.