"Humo" "Petrov kubogi" finalchisini o'z safiga qo'shib oldi

Toshkentning "Humo" xokkey klubi himoyachi Aleksandr Sorokin bilan shartnoma imzoladi. 

Sorokin 1994 yil 5 iyul kuni Rossiyaning Tolyatti shahrida tavallud topgan. "Lada" jamoasi tarbiyalanuvchisi bo'lmish Sorokin o'tgan mavsumda "Sokol" jamoasi sharafini himoya qilib, "Petrov kubogi" finalchisiga aylandi. U VXLda 396 ta o'yin o'tkazib, 103 (26+77) ochko jamg'argan. Pley off bahslarida esa 74 o'yinda 16 ochko (4+12) ishlashga muvaffaq bo'lgan.