"Humo" pley-offda. Ushbu bosqichda o'yinlar qanday tizimda o'tkaziladi?

"Humo" matbuot xizmati ligada pley-off o'yinlari qanday tizimda o'tkazilishi haqida malumot berdi. www.olamsport.com sayti shu asosida malumotlarni etiboringizga havola qiladi. 

VXL-2020 pley-off o'yinlari qanday o'tkaziladi?

Pley-off 22 fevral kuni start oladi. CHempionat yakunlariga ko'ra, ikkita Konferenciyadan sakkizta jamoa pley-off bosqichiga yo'l oladi. 

Pley-off bosqichi doirasida 1/8 final, 1/4 final, 1/2 final va final o'yinlari o'tkaziladi. 

Ushbu bosqichlarda o'yinlar to'rtta g'alabagacha o'tkaziladi. Umumiy hisobda jamoalar o'zaro ettita o'yin o'tkazishlari mumkin. Dastlabki ikkita o'yin, lozim bo'lsa beshinchi va ettinchi o'yinlar juftlikda "saralangan" jamoalarning maydonida bo'ladi. 

Juftlikda to'rtta o'yinda g'alaba qozongan jamoa keyingi bosqichga yo'l oladi. Yutqazgan jamoa esa o'yinlarni tark etadi. 

1/8 final o'yinlari quyidagi tartibda o'tkaziladi:

Birinchi Konferenciyada yuqori o'rinni egallagan jamoa ikkinchi Konferenciyada sakkizinchi o'rin, birinchi Konferenciyada ikkinchi o'rinni egallagan jamoa ikkinchi Konferenciyada ettinchi o'rindagi jamoa va x.k...

Yuqorida qayd etilganidek, yuqori o'rindagi jamoalar birinchi bo'lib o'z uylarida o'yin o'tkazadilar. 

Ehtimoliy raqib

Ayni paytda "Humo" Konferenciya-1 da 7-o'rinni egallab turibdi. "Konferenciya-2"da esa "Toros" 2-pog'onani band etgan. Agar o'rinlar shunday qoladigan bo'lsa, ushbu ikki jamoa 1/8 finalda to'qnash kelishi mumkin.