"Humo" raqiblari - bugun navbat "Gornyak"ka

"Qanotlilar"ning raqiblarini tanishtirishda davom etamiz.

"Gornyak" xokkey klubi - 1958 yilda Rudniy shahrida (Qozog'iston) tashkil etilgan. Jamoa 2001 yildan beri Qozog'iston chempionatida ishtirok etib keladi, Gornyak Rossiya chempionatining A toifasi, Ural - G'arbiy Sibir (1 liga) zonasida ham ishtirok etgan.

"Gornyak" Qozog'iston chempionatining ikki karra kumush, olti karra bronza medali va Qozog'iston kubogining ikki karra g'olibi. Bundan tashqari, jamoa uch marta Rossiya chempionatining "A" toifasida g'olib bo'lib va ushbu chempionatning kumush medali sovrindori hisoblanadi.

Jamoa uy uchrashuvlarini "GORNYAK ARENA" muz saroyida o'tkazadi. 2020/21 yilgi mavsum oldidan klubda rebrending bo'lib o'tgan. Klubning timsoli tulki bo'lib, u Rudik deb ataladi.

“Humo” “Gornyak” bilan Toshkentda 15 va 16 sentyabr kunlari soat 19.00da bahslashadi. CHiptalar iTicket.uz saytida sotilmoqda.