"Humo" safarda "Irtish"ni mag'lubiyatga uchratdi

"Qanotlilar" Ostona shahrida "Irtish" klubi mehmoni bo'lishdi. Ettita shayba kiritilgan o'yinda "Humo" 4:3 hisobida g'alaba qozondi. Denis Ludcev dublga erishgan bo'lsa, qolgan ikki golga Egor Buyalskiy va Anton Astashevich mualliflik qildi. 

Jamoalar shu kunga qadar kechagi uchrashuv bilan qo'shib hisoblaganda 13 ta o'yin o'tkazib, ularning barchasida "Humo" zafar quchgan. Jamoamiz Qozog'iston chempionatining joriy mavsumida hozircha 25 ta o'yindan keyin 33 ochko jamg'argan holda 5-o'rinni egallab turibdi. "Humo"ga nisbatan ikki o'yin kam o'tkazgan autsayder "Irtish" esa 6 ochko bilan so'nggi, 11-pog'onadan joy olgan.