"Humo" "Sariarka"ni ikkinchi bahsda ham mag'lub etib, turnir jadvalida yuqoriladi

Ilk o'yinda tajribali raqiblaridan yirik hisobda ustun kelgan "Humo" ikkinchi o'yinda ham iroda ko'rsata oldi.

Kecha o'tkazilgan ikkinchi bellashuvda toshkentliklar 3:2 hisobida zafar quchdi.

Jamoa gollariga Vyacheslav Litovchenko (dubl) hamda Vadim Kravchenko mualliflik qildi.

SHu tariqa, ikki g'alabadan so'ng "Humo" ochkolari sonini 17 taga etkazib olib, turnir jadvalida beshinchi o'ringa ko'tarilib oldi.

"Qanotlilar" keyingi o'yinlarini 13-14 noyabr kunlari Toshkentda "Beybaris"ga qarshi o'tkazadi.