Humo uch nafar hujumchi bilan shartnoma imzoladi

Ular Andrey Legalin, Anton Rextin va Dmitriy Selyutin.

Andrey Legalin, Moskvaning «Spartak» klubi tarbiyalanuvchisi bo'lib, MXLda 196 ta o'yin o'tkazgan. 2018/2019 mavsumda KXLda debyut qilgan xokkeychi «Xumo»dan oldin Slovakiyaning ikkinchi ligasida ishtirok etadigan  «Topolchani» xokkey klubi tarkibida o'ynagan.

Anton Rextin, Novokuzneckning «Metallurg» klubi tarbiyalanuvchisi hisoblanadi. «Humo»dan oldin Rossiyaning «Zauralya» jamoasida o'ynagan. Novokuzneckning «Metallurg» jamoasi bilan KXLda 5 ta o'yin o'tkazgan.

Dmitriy Selyutin, Elektrostalning «Kristall» klubi tarbiyalanuvchisi. U Latviya chempionatida ishtirok etgan «Liepaya» xokkey klubidan «Xumo» tarkibiga kelib qo'shildi. Ushbu klub tarkibida Dmitriy 43 ta o'yin o'tkazib, 52 (22+30) ochko to'plagan.