"Humo" "Xarlamov Kubogi" sohibini tarkibga qo'shib oldi, Fishenko bilan shartnoma uzaytirildi

Bu mavsumda ham Qozog'iston Ochiq chempionati va kubogida ishtirok etadigan "qanotlilar"ning hujumchi Zaxar Ziminov bilan kelishuvga erishgani malum bo'ldi. 

Ziminov 2003 yil 7 fevral kuni Rossiyaning Vologd shahrida tug'ilgan. "Tverichi" klubi tarbiyalanuvchisi shu paytga qadar "Dinamo" (Sankt-Peterburg) hamda "CHayka" (Nijniy Novgorod) jamoalari safida YOXLda ishtirok etgan. 

U bu yil "CHayka" bilan "Xarlamov Kubogi"ni qo'lga kiritdi. Ziminov YOXLda 132 ta o'yin o'tkazib, 56 ochko (27+29) jamg'argan bo'lsa, pley-off bahslarining 21 tasida muzga chiqib, 11 ochko (5+6) ishlagan.

SHuningdek, "qanotlilar" xujumchi Ivan Fishenko bilan shartnomani uzaytirishdi. Fishenko o'tgan mavsumda "Humo" tarkibida 25 ta o'yin o'tkazib, 15 ochko (5+10)ga ega chiqqan edi.