"Humo" xokkey klubi ochiq mashg'ulot o'tkazdi (FOTO)

"Bu safar ananaviy tadbir jamoaning pley-off bosqichiga tayyorgarligiga bag'ishlandi. 

Ochiq mashg'ulot muxlislar orasida katta qiziqish uyg'otdi. Axir xokkey ishqibozlari yana qachon sevimli jamoasining mashg'ulot jarayonini tomosha qilish, o'yinlarga tayyorgarlik mashqlarini ko'rish imkoniyatiga ega bo'lishardi?

Bundan tashqari, «Humo» xokkey klubi tashkilotchilari sodiq muxlislarga o'z sevimli o'yinchilari bilan yanada yaqinroq tanishish imkoniyatini taqdim etishdi. Mashg'ulotdan so'ng barcha xohlovchilar avtograf olib, xokkeychilar bilan suratga tushishdi.

Bunday tadbirdan olingan yaxshi kayfiyat jamoamizning mehnat kunlarini yanada yorqin qiladi va oldinda turgan shiddatli bahslarda ilhom bag'ishlaydi. Bugun biz bilan bo'lgan barchaga tashakkur!", deyiladi "Humo" matbuot xizmati xabarida. 

Pley-offning dastlabki uchrashuvlariga oz vaqt qoldi. Rudniyning «Gornyak»ga qarshi chorak final seriyasining ilk ikki o'yiniga chiptalar iTicket.uz saytida sotilmoqda. Uchrashuvlar 18 va 20 fevral kunlari, soat 19:30 da "Humo Arena"da bo'lib o'tadi.