28 may 10:10
Yangiliklar

Xokkey

"Humo" yana bir rossiyalik himoyachini tarkibga qo'shib oldi

Toshkentning "Humo" xokkey klubi yangi mavsum oldidan ikkinchi transferini amalga oshirdi.

Rossiyalik himoyachi Artyom Malcev endilikda "qanotlilar" tarkibida harakat qiladi. U 1998 yilda Rossiyaning Sankt-Peterburg shahrida tug'ilgan. "Serebryanye Lvy" jamoasi tarbiyalanuvchisi bo'lmish Artyom o'tgan mavsumni VXLning "Dinamo" hamda "AKM" jamoalarida o'tkazgan edi. U VXLda umumiy 129 ta o'yinda muzga chiqib, 15 ochko (4+11) jamg'arishga muvaffaq bo'lgan.

Avvalroq, "Humo" jamoasining Ilya Nazarevich bilan shartnoma imzolagani haqida xabar bergan edik.