"Humo" yana kambek qildi, "qanotlilar" muddatidan oldin pley-offda!

Ilk uchrashuvda "Humo" Qozog'iston klubini 5:3 hisobida mag'lubiyatga uchratgan edi. Kechagi ikkinchi o'yinda ham muz egalari ikki shayba farqi bilan zafar quchishdi. "Humo" bu safar ham kambek evaziga g'alabani o'z tomoniga og'dirib oldi. Birinchi bo'lib o'z darvozasidan gol o'tkazib yuborgan mezbonlar uchinchi bo'limda g'alaba shaybasini kiritishga muvaffaq bo'lishdi. Andrey Pavlenko xet-trik muallifiga aylandi. 

Ushbu g'alabadan keyin "qanotlilar"ning ochkolari 45 taga etdi va jamoa uchinchi o'rinni egallab turibdi. Ikkinchi pog'onadagi "Kokshetau" hisobida ham 45 ochko bor. "Humo" muddatidan oldin pley-off yo'llanmasini qo'lga kiritdi. Qolgan uchrashuvlarda qanday natija qayd etilishidan qati nazar, "Humo" Top-8`talikdan tushib ketmaydi. 

Endi "Humo" ketma-ket 4 ta uchrashuvni mehmonda o'tkazadi. "Qanotlilar" 17-18 yanvar kunlari Rudniyning "Gornyak", 21-22 yanvar kunlari esa "Aktobe" jamoasiga qarshi muzga chiqishadi. Keyin esa mavsumning so'nggi 4 ta o'yinini "Humo" o'z muxlislari ko'z o'ngida o'tkazadi. 26-27 yanvar kunlari "Arlan", 31 yanvar va 1 fevral kunlari "Nomad" Toshkentda mehmon bo'ladi.