"Humo yashaydi!". "Qanotlilar" rasmiy bayonot bilan chiqdi

"Hurmatli do'stlar, muxlislar va "Humo" xokkey klubining taqdiriga befarq bo'lmagan barcha yurtdoshlar!

Bilamiz, siz klubimizning kelajagi haqida yangiliklarni anchadan beri kutyapsiz. Sukut savollar tug'diradi — va biz ularni eshitayapmiz. SHu sababli, hozirda ayta oladigan malumotlarimiz bilan o'rtoqlashmoqchimiz.

Avvalo, "Humo" klubiga bo'lgan samimiy qo'llab-quvvatlovingiz, qiziqishingiz va mehringiz uchun sizga chuqur minnatdorlik bildiramiz. Aynan sizning ishonchingiz bizni og'ir sharoitlarga qaramay harakatni davom ettirishga ilhomlantiradi.

"Humo" xokkey klubi o'z faoliyatini davom ettiradi. SHuningdek, "Humo" bolalar xokkey akademiyasi ham ishlashda davom etmoqda. Hozirda biz klubning yaqinlashib kelayotgan va keyingi mavsumlardagi ishtirok shakli borasida qarorlar qabul qilish jarayonidamiz. Turli scenariylar va rivojlanish yo'nalishlari ustida ish olib borilmoqda.

Tasdiqlangan aniq malumotlar paydo bo'lishi bilan bu haqda sizlarni, albatta, xabardor qilamiz. Sizning etiboringizni, tashvishingizni va sadoqatingizni his qilayapmiz — bu bebaho. Biz bilan qolayotganingiz uchun rahmat! Biz birgamiz — va aynan mana shu bizning asosiy kuchimizdir", deyiladi klub bayonotida.