"Humo"ning bugungi raqibi "Ermak" haqida

Uchrashuv oldidan raqib jamoa haqidagi qisqacha malumotlarni taqdim etmoqchimiz. 

"Ermak" jamoasi 1958 yilda tashkil etilgan. Angarsk shahri (Irkutsk viloyati) sharafini himoya qiladi. Avvallari "Ximik" va "Trud" nomlari bilan faoliyat olib borgan. KXLdagi "Admiral" jamoasining Vladivostokdagi farm-klubi hisoblanadi. Jamoani murabbiy Dmitriy Kramarenko boshqarib boradi. 

O'yinlarni 6900 tomoshabin sig'adigan "Ermak" sport saroyida o'tkazadi. 

Ayni paytda VXLda 34 ta jamoa ichida 32-o'rinni egallab turibdi. "Humo" esa 31-o'rindan joy olgan. 

Eslatib o'tamiz, "Humo" hamda "Ermak" o'yini soat 19:30 da boshlanadi. CHiptalarni arena kassalaridan va iTicket.uz sayti orqali sotib olishingiz mumkin. CHipta narxlari 10 000 - 75 000 so'm oralig'ida. Yuqorida qayd etilganidek bolalar uchun chiptalar 50 foizlik chegirma bilan sotiladi.