"Humo"ning "Humo Arena"ga qaytishi qanday yakunlandi?

"Qanotlilar" mavsumning "Humo"ning asosiy arenasidagi ilk o'yinlarini Qozog'istonning "Aktobe" klubiga qarshi o'tkazdi. Bungacha "Humo" raqiblarini kichik arenada qabul qilib kelayotgandi. 

Afsuski, qaytish omadsiz chiqdi. "Humo" aktobeliklarga 2:4 hisobida yutqazib qo'ydi. Muz egalarining ikki goliga Artur Kuznecov va Aleksandr SHevchenko mualliflik qildi. Bu bilan "Humo"ning to'rtta o'yindan iborat g'alabali seriyasiga barham berildi. 

Kecha ikki jamoa o'zaro o'n birinchi marotaba to'qnash kelishdi. "Aktobe" beshinchi g'alabasini tantana qildi. "Humo"ning o'zaro o'yindagi g'alabalari 6 taligicha qoldi. 

Bugun "Humo" va "Aktobe" jamoalari o'rtasidagi ikkinchi uchrashuv o'tkaziladi. Bugungi o'yin ham soat 19:30 da boshlanadi. "Humo" Qozog'iston chempionati turnir jadvalida 21 ochko bilan 6-o'rinni egallab turibdi. "Aktobe" esa 16 ochko bilan 9-pog'onadan joy olgan.