"Humo"ning mavsumdagi eng yaxshi bombardiri qaysi jamoaga o'tgani malum bo'ldi

Endilikda Grigorenko faoliyatini Tolyattining "Lada" jamoasida davom ettiradigan bo'ladi. Avvalroq, ushbu jamoa safiga Roman Smiryagin, Arseniy Eroxin, Nodir Islamov, Pavel Zdunov borib qo'shilgandi. Endilikda "Humo"ning besh nafar xokkeychisi yangi mavsumda "Lada" sharafini himoya qiladigan bo'ldi. 

"Mavsumni yaxshi o'tkazgandik. Boshida qiyin bo'ldi, lekin vaqt o'tib biz o'zimizga kelib oldik. Mavsumdagi minimal vazifa uddalangandi - biz pley-offga yo'llanma oldik. Ko'pchilik, 7-o'rindagi "Humo"ning 2-pog'onadagi "Toros"ga qarshi kelib qolganidan so'ng "barchasi tugadi" deb o'ylagandi. Lekin, hammasi aksincha bo'ldi. Umuman olganda, mavsum omadli o'tdi. 

Toshkent haqida ko'p gapirishim mumkin. U erga borishdan oldin ko'pgina savollar bor edi. Toshkentga etib borganimdan so'ng, tozalik, iliqlik, insonlar meni yoqimli manoda hayron qoldirishdi. CHiroyli shahar, oilangiz bilan vaqtni mazmunli o'tkazish uchun parklar ko'p. Taomlari ajoyib, ayniqsa palov.

BARCHAGA RAHMAT", - dedi Grigorenko xayrlashuv so'zida.