"Humo"ning uy o'yinlari seriyasi start olmoqda: Bu safar Toshkentda xitoyliklar mehmon bo'lishadi

Bu safargi seriyada poytaxtimizga Xitoy klublari mehmon sifatida tashrif buyurishmoqda. 

VXL turnir jadvaliga nazar tashlar ekanmiz, oldinda turgan uchta o'yin "Humo"da muhim ochkolarni jamg'arib olish uchun ajoyib imkoniyat mavjud ekanligiga guvoh bo'lishimiz mumkin. 

Jamoamiz bugun Pekinning "ORDJI" jamoasiga qarshi muz ustiga chiqadilar. "Humo" hozircha 22 ta o'yindan so'ng 22 ochko jamg'argan holda, 25-o'rindan joy olgan. "ORDJI" esa 24 ta o'yindan so'ng 22 ochko jamg'argan va 24-o'rinni egallab turibdi. CHempionatda yonma-yon ketayotgan jamoalar o'rtasidagi o'yinda umid qilamizki, mezbon faktori toshkentliklarga yordam beradi. Bunda albatta muxlislarning qo'llab-quvvatlashlari muhim ahamiyat kasb etadi. 

SHunday ekan, sizni bugun soat 19:00da "Humo Arena"da kutib qolamiz. 

Toshkentda katta xokkey. "Humo" ishtirokidagi o'yinlarga borishingiz uchun 7 ta sabab + FOTO

Seriyadagi ikkinchi o'yin esa Pekinning boshqa bir jamoasi - "KRS-BSU"ga qarshi bo'ladi. O'yin 17 noyabr kuni soat 17:00da boshlanadi. Jamoa 23 ta o'yindan so'ng 18 ochko jamg'argan holda, 31-o'rinni egallab turibdi. Ushbu o'yinda biz so'zsiz favoritmiz. Qandaydir sabab bilan "ORDJI"ga qarshi o'yinga tashrif buyura olmasangiz, yakshanba - dam olish kuni oilaviy hordiq chiqarish uchun aynan "Humo Arena"ni tavsiya etamiz. 

19 noyabr kuni esa Xitoyning "Ceng Tou" jamoasi poytaxtimiz mehmoni bo'ldi. Liga autsayderiga qarshi o'yinda "Humo" gollar shousini taqdim etishi kutilmoqda. Raqiblar 22 ta o'yindan so'ng 11 ochko jamg'argan holda, "faxrli" 34-o'rindan joy olishgan. Mazkur o'yin soat 19:30 da boshlanadi. 

CHiptalar narxi 10 000 so'mdan 75 000 so'mgacha sotuvda. Bolalar uchun esa 50 foizlik chegirma mavjud.  CHiptalarni arena kassalaridan va iTicket.uz sayti orqali sotib olishingiz mumkin.

Demak, barchangizni "Humo Arena"da kutib qolamiz!

Toshkent. "Humo Arena". 

15 noyabr, 19:30: "Humo" - "ORDJI" (Pekin, Xitoy)

17 noyabr, 17:00: "Humo" - "KRS-BSU" (Pekin, Xitoy)

19 noyabr, 19:30: "Humo" - "Ceng Tou" (Czilin, Xitoy).