04 dek 17:10
Yangiliklar

Tennis

Humoyun Sultonov 992-raketkaga qarshi qiyin uchrashuv o'tkazdi

Misrning SHarm El-SHeyx shahrida tennis bo'yicha M15 toifasiga kiruvchi turnir bo'lib o'tmoqda.

Musobaqada birinchi raqam ostida tasniflangan hamyurtimiz Humoyun Sultonov ilk davradayoq jiddiy qarshilikka duch keldi. Mamlakatimizning birinchi raketkasi rossiyalik Semen Pankinga qarshi kechgan 2 soatu 52 daqiqalik uchrashuvda match-bolldan chiqib ketdi va yakunda irodali g'alabaga erishdi - 7/6(2), 3/6, 7/5.

Taqqoslash uchun, Sultonov ATP reytingida 223, 25 yoshli Pankin esa 992-pog'onadan joy olgan. Bu tennischilarning o'zaro o'tkazgan ilk uchrashuvi bo'ldi. Ertaga Humoyun 1/8 finalda italiyalik Aleksandr Bindaga qarshi kortga chiqadi.