Humoyun Sultonov CHandigarh turniri chempioni!

Mukofot jamg'armasi 15 000 dollarni tashkil qilgan ushbu musobaqada hamyurtimiz Humoyun Sultonov ham muvaffaqiyatli ishtirok etdi. Mamlakatimizning birinchi raketkasi hozirgina yakuniga etgan final bahsida g'alabaga erishib, musobaqa bosh sovrinini qo'lga kiritdi.

CHandigarh turnirida birinchi raqam ostida tasniflangan Sultonov 93 daqiqa davom etgan final uchrashuvida musobaqaning ikkinchi raketkasi hisoblangan Ramkumar Ramanatanni 6/4, 6/2 hisobida mag'lubiyatga uchratdi.

Ramkumarga 11 ta eys zarbasi ham yordam bermadi. Humoyun bu borada 4 ta eysni amalga oshirgan. Qo'shxatolar 6 ga 0 ko'rinishida mezbon tennischi "foydasi"ga bo'ldi.  

Taqqoslash uchun, Humoyun Sultonov ATP reytingida 331, Ramkumar Ramanatan esa 410-pog'onadan joy olgan.