Humoyun Sultonov ishtirokidagi bahs yakuniga etmay qoldi

Musobaqada birinchi raqam ostida tasniflangan Humoyun Sultonov 1/8 finalda o'z ishtirokini yakunladi. Hamyurtimiz ilk davrada jiddiy qarshilikka duch kelgandi. U reytingning 992-pog'onasida borayotgan rossiyalik Semen Pankinga qarshi kechgan 2 soatu 52 daqiqalik uchrashuvda match-bolldan chiqib ketgan va yakunda irodali g'alabaga erishgandi - 7/6(2), 3/6, 7/5. 

Bugun mamlakatimizning birinchi raketkasi ikkinchi davrada italiyalik Aleksandr Bindaga qarshi kortga chiqdi. Sultonov birinchi setning beshinchi geymidan keyin bahsni davom ettira olmasligini bildirdi. Katta ehtimol bu uning jarohati bilan bog'liq holat. Setni 4/1 hisobida o'z foydasiga hal qilayotgan italiyalik tennischi kurashsiz 1/4 finalga yo'l oldi. 

Taqqoslash uchun, Sultonov ATP reytingida 223, Aleksandr Binda 606-pog'onadan joy olgan.