Humoyun Sultonov Italiyada ikkinchi uchrashuvini o'tkazdi

Sovrin jamg'armasi 46 600 evroni tashkil qiluvchi musobaqada istedodli tennischimiz Humoyun Sultonov ham o'z imkoniyatini sinovdan o'tkazayotgan edi. Humoyun ilk davrada italiyalik Lorenco Musettini 6:1, 7:6(3) hisobida taslim etgan edi. 

Hozirgina yakuniga etgan ikkinchi bosqich uchrashuvida esa turnirning uchinchi raketkasi, qozog'istonlik Dmitriy Popkoga qarshi bahs olib bordi. Humoyun ATP reytingida 384, Dmitriy esa 262-o'rinni egallab turibdi.  

Afsuski, 1 soatu 20 daqiqa davom etgan uchrashuvda tajribali Popko 6:3, 6:4 hisobida zafar quchdi. Musobaqa g'olibi 6 190 evro mukofot puli hamda 80 reyting ochkosini qo'lga kiritadi.