Humoyun Sultonov Misrda 1/8 finalga yo'l oldi

Mukofot jamg'armasi 25 000 AQSH dollarini tashkil etuvchi ushbu musobaqada Humoyun Sultonov ham o'z mahoratini namoyish qila boshladi. Hamyurtimiz turnirda birinchi raqam ostida tasniflangan bo'lib, ayni paytda dunyoning 339-raketkasi bo'lib turibdi. 

U 1/16 finalda hali ATP reytingiga kiritilmagan ukrainalik tennischi Andrey Porickiyni ikki setda ham bir xi hisobda mag'lubiyatga uchratdi - 6/3, 6/3. Bugun Sultonov 1/8 finalda yana bir ukrain tennischisi Yuriy Javakyanga qarshi kortga chiqadi. Dunyoning 485-raketkasi bo'lib turgan Javakyan ilk davrada reytingning 1009-pog'onasidan joy olgan misrlik Bassem Sobhini qiyinchilik bilan engdi - 6/4, 1/6, 6/4.