Humoyun Sultonov Mumbayda chorak finalga yo'l oldi

Musobaqada birinchi raqamli tennischi sifatida tasniflangan O'zbekistonning ayni damdagi eng yaxshi raketka ustasi — Humoyun Sultonov bugun nimchorak final doirasida kortga chiqdi.

Unga hindistonlik Dev Javiya (ATP-705) raqiblik qildi. Roppa-rosa 2 soat davom etgan o'yinda Sultonov 2:0 (7/5, 6/3) hisobida zafar quchdi.

Mazkur g'alaba orqali chorak final masalasini hal qilgan Sultonov endi AQSH vakili Aditya Ganesan bilan to'qnash keladi. Bahs ertaga 9:30 da boshlanishi rejalashtirilgan.

Taqqoslash uchun, Sultonov ATP reytingida 229, Ganesan esa 875-o'rinni egallab turibdi.