Humoyun Sultonov Mumbayda muvaffaqiyatli start oldi

Musobaqada O'zbekistonning birinchi raqamli tennischisi Humoyun Sultonov ham ishtirok etmoqda. U turnirda birinchi raqamli sportchi sifatida tasniflangan.

Hamyurtimiz ilk bosqichda mezbon yurt vakili Adil Kalyanpur qarshi kortga chiqdi. Oltmish sakkiz daqiqa davom etgan bahsda Sultonov ortiqcha qiyinchiliksiz 6/2, 6/1 hisobida zafar quchdi.

Taqqoslash uchun, Humoyun Sultonov ayni paytda ATP reytingida 229, Adil 863-pog'onadan joy olgan. Bugun namanganlik 26 yoshli tennischimiz 1/8 finalda yana bir hind tennischisi Dev Javiya bilan bahs olib boradi. Javiya reytingda 705-o'rinni egallab turibdi.