23 avg 13:30
Yangiliklar

Tennis

Humoyun Sultonov Nakxonsitxammaratdagi yurishini boshladi

Tailandning janubidagi Nakxonsitxammarat shahrida tennis bo'yicha ITF M15 toifasiga kiruvchi turnir bo'lib o'tmoqda.

Ushbu musobaqada hamyurtimiz Humoyun Sultonov birinchi raqam ostida tasniflangan. Mamlakatimizning birinchi raketkasi biroz avval yakuniga etgan birinchi davra uchrashuvida mezbonlar vakili Txantub Suksumrarni 6/1, 6/2 hisobida mag'lubiyatga uchratdi.

Taqqoslash uchun, Sultonov ATP reytingida 433, Suksumrarn esa 1379-pog'onadan joy olgan. Endi Humoyun Ryotaro Taguchiga qarshi kortga chiqadi. Reytingi yo'q yaponiyalik tennischi ilk bosqichda dunyoning 834-raketkasi bo'lib turgan franciyalik Fransua Musitellidan ustun keldi - 6/4, 6/4.