Humoyun Sultonov "Sanremo Challenger 80" turniri asosiy bosqichiga chiqdi

Ushbu musobaqada ishtirok etayotgan tennischilarimiz Xumoyun Sultonov va Sanjar Fayziev o'z ishtiroklarini saralash bosqichidan boshlashdi. 

Humoyun Sultonov dastlabki uchrashuvida mezbonlar vakili Matteo De Sanktisga qarshi qortga chiqdi va raqibini 6/2, 6/1 hisobida mag'lub etdi. Tennischimiz navbatdagi o'yinini Bosniya va Gercegovina vakiliga qarshi o'tkazib, bu uchrashuvda ham 6/2, 6/1 hisobida g'alaba qozondi va musobaqaning asosiy to'r bahslariga yo'llanmani qo'lga kiritdi. Bugun Sultonov asosiy davrada moldovalik Radu Albotga qarshi bahs olib boradi. 

Turnirda o'z imkoniyatlarini sirnovdan o'tkazayotgan yana bir tennischimiz Sanjar Fayziev afsuski, saralash bosqichidan o'ta olmadi. Sportchimiz italiyalik Simone Ronsalliga 3/6, 3/6 hisobida mag'lub bo'ldi va turnirni tark etdi.