Humoyun Sultonov Vale-de-Loboda 1/4 finalga chiqdi

Mukofot jamg'armasi 25 000 dollarni tashkil etuvchi ushbu turnirda hamyurtimiz Humoyun Sultonov ham o'z imkoniyatini sinovdan o'tkazyapti. Mamlakatimizning birinchi raketkasi ilk davrada chexiyalik Devid Polyakni 2/6, 6/4, 6/1 hisoblarida mag'lubiyatga uchratgandi. 

Turnirda oltinchi raqam ostida tasniflangan yurtdoshimiz 1/8 finalda yana bir chex tennischisi Mixal Lusovskidan 6/3, 6/1 hisobida ustun keldi. ATP reytingida 436-o'rinni egallab turgan Sultonov endi yarim final chiptasi uchun boshqa bir chexiyalik tennischi Ginek Bartonga qarshi kortga chiqadi. Birinchi bosqichda turnirning birinchi raketkasini musobaqadan chiqarib yuborgan Barton reytingning 534-pog'onasidan joy olgan.