Huquqni muhofaza qiluvchi organlar xodimlari o'rtasida engil atletika musobaqa o'tkazildi

Yangi nomlarni kashf etish, terma jamoamiz uchun munosib nomzodlarni saralab olish maqsadida turli selekcion musobaqalar tashkil qilinmoqda. Ana shunday turnirlarning navbatdagisi bugun, 10 dekabr kuni Respublika ixtisoslashtirilgan olimpiya zaxiralari maktab-internatining engil atletika manejida o'tkazildi.

Musobaqaning tantanali ochilish marosimida O'zbekiston Milliy olimpiya qo'mitasi Bosh kotibi Jasur Matchanov, O'zbekiston engil atletika federaciyasi raisi Andrey Abduvaliev va boshqalar ishtirok etishdi. Tadbir davomida Jasur Matchanov so'zga chiqar ekan, huquqni muhofaza qiluvchi organlar xodimlari doimo yuqori jismoniy tayyorgarlikka ega ekanliklari, terma jamoamiz azoari orasida harbiy sportchilarning alohida o'rni borligini qayd etib o'tdi.

SHundan so'ng O'zbekiston Respublikasi davlat madhiyasi yangradi va musobaqa rasman ochiq deb elon qilindi.

Turnirda O'zbekiston Respublikasi davlat xavfsizlik xizmati, Mudofaa vazirligi, Milliy gvardiya, Ichki ishlar xodimlari ishtirok etishdi. Konstituciya kuniga bag'ishlab o'tkazilgan musobaqada ishtirokchilar 60 metr, 200 metr, 400 metrga yugurish, yadro uloqtirish, uzunlikka sakrash va balandlikka sakrash yo'nalishlarida sovrinli o'rinlar uchun kurash olib bordilar.

Bahslar yakuniga ko'ra kuchli uchlikka kira olgan sportchilar Milliy olimpiya qo'mitasining qimmatbaho sovg'alari bilan taqdirlanishdi.