26 iyu 09:40
Yangiliklar
Futbol
Ibragimovich yana bir mavsum “Milan”da qoladi
38 yoshli shveciyalik hujumchi Zlatan Ibragimovich jamoasi bilan yana bir yillik shartnomaga imzo chekadi, deya xabar bermoqda italiyalik jurnalist Vito Anjele.
“Stefan Pioli “Milan” bilan shartnomasini uzaytirgach, vaziyat o'zgardi. Zlatan ham jamoada qoladigan bo'ldi. Ular yana bir mavsum hamkorlik qilishadi”, dedi jurnalist.
Ibragimovich qishki transfer oynasi vaqtida “Milan”ga qaytgandi. U joriy mavsumda 16 ta uchrashuvda maydonga tushib 7 ta gol urdi va 4 ta golli uzatmani amalga oshirdi. 38 yoshli hujumchining milanliklar bilan amaldagi shartnomasi 2020 yilning 31 avgustida yakuniga etadi.
Zlatan futbolchilik faoliyati mobaynida “Malmyo”, “Ayaks”, “Yuventus”, “Inter”, “Barselona, PSJ, “Manchester Yunayted” va “Los Anjeles Gelaksi” jamoalari sharafini himoya qilgan. Faoliyati davomida Zlatan jami 759 ta uchrashuvda maydonga tushib, 464 ta gol urgan, 184 ta golga assistentlik qilgan.
Havola :
Fikrlar