Ibragimovichning haykali tamirlanadi va boshqa joyga ko'chiriladi

"Sydsvenskan" xabariga ko'ra, tamirlangan haykal boshqa joyga ko'chiriladi. Ushbu haykal o'tgan yilning kuz oyida "Malmyo" stadioni yaqinida ochilgandi. Oradan bir qancha vaqt o'tib, Zlatan "Xammarbyu" klubini sotib oldi, bundan esa "Malmyo" klubi muxlislari g'azab otiga mindi.

SHu sababli haykalga bir necha bora bezorilar tomonidan zarar etkazildi. Yanvar oyida esa haykalni yoqib ketishdi.

Qayd etilishicha, tamir 10 ming evroga tushadi. Ushbu haykalni Stokgolm yoki Milanga o'tkazish taklifi berildi. Lekin haykal Malmyoda qoladi, biroq boshqa joyga joylashtiriladi.