09 okt 10:42
Yangiliklar

Tennis

Iga Svyontek "Rolan Garros" finalida

Franciya poytaxti Parij shahrida o'tkazilayotgan tennis bo'yicha "Rolan Garros" turniri o'zining hal qiluvchi pallasiga kirdi.

Ayollar o'rtasidagi bahslarda final ishtirokchilari malum bo'ldi. Sayyoramizning 54-raketkasi Iga Svyontek birinchi bo'lib finalga yo'l oldi. Polshalik tennischi yarim finalda reytingning 131-pog'onasidan joy olgan argentinalik Nadya Podoroshkani taslim etdi - 6/2, 6/1.

Uchrashuv 70 daqiqa davom etgan. Bu tennischilarning o'zaro ilk uchrashuvi edi. 19 yoshli Svyontek o'z faoliyatida ilk bor "Katta Dubulg'a" turniri bosh sovrini uchun kortga chiqadigan bo'ldi.