Igor Sergeev "Paxtakor"ga qaytdi

"Paxtakor" futbol akademiyasi tarbiyalanuvchisi bo'lgan Igor Sergeev qisqa muddatli tanaffusdan so'ng yana o'zi uchun qadrdon sanalgan klub safiga qaytdi. Bugun u "Paxtakor" bilan 2018 yil oxirigacha shartnomaga imzo chekdi. Sergeev hozirga qadar "SHerlar" bilan uch bor O'zbekiston chempionligini qo'lga kiritib, bir marta chempionat to'purariga aylangan. CHempionatlarda jamoamiz uchun 121 uchrashuvda 64 gol muallifiga aylangan.

Igor Sergeev bundan keyin ham "Paxtakor" g'alabalariga hissa qo'shishda davom etadi degan umiddamiz.

"Paxtakor"ga qaytishing muborak, Igor!, - deyiladi klubi rasmiy saytidagi xabarda. 

"Paxtakor" - mening uyim. O'zimni boshqa jamoada tasavvur qila olmayman. Meni bu erda qabul qilishganidan xursandman. O'zimni ajoyib his qilyapman va jamoaga foyda keltirishni istayman. "Paxtakor"dek jamoada bitta maqsad bo'ladi - chempionlik. Mavsum oson bo'lmaydi, ammo ijobiy natija va omadga umid qilaman. Buning uchun bor kuchimni berishga tayyorman", - dedi Sergeev.