Ikki grossmeysterimiz FIDE yosh shaxmatchilarining Top-5`taligida

Jumladan, 20 yoshgacha bo'lgan shaxmatchilarning 2024 yil hisobidan ilk reytingi ham yangilandi. Dekabr oyi uchun mo'ljallangan Top-10 reytingidan ikki o'zbekistonlik grossmeyster joy olgandi. Nodirbek Abdusattorov (2727) reytingda 4-o'rinni band etgan bo'lsa, Javohir Sindarov (2701) 7-pog'onaga joylashgandi. Muhiddin Madaminov (2488) esa 69-pog'onani egallagan edi.

Quvonarlisi, yangilangan reytingda har uchchala shaxmatchimiz ham yuqorilashga erishdi. Eng katta o'sishga Madaminov erishdi, u 55-o'ringa ko'tarilib oldi. Nodirbek uchinchi, Javohir esa beshinchi o'ringa ko'tarildi. O'tgan oyda 3-o'rinda bo'lgan germaniyalik Vinsent Keymer (2743) reyting peshqadamiga aylanib oldi. Hindistonlik Praggnanandha (2743) ikkinchi o'rinni saqlab qoldi.

FIDE 20 yoshgacha shaxmatchilar reytingi (Top-10):

1. Vinsent Keymer (Germaniya, 2743)

2. Praggnanandha (Hindiston, 2743)

3. Nodirbek ABDUSATTOROV (O'zbekiston, 2727)

4. Gukesh Dommaradju (Hindiston, 2725)

5. Javohir SINDAROV (O'zbekiston, 2701)

6. Sarin Nihal (Hindiston, 2693)

7. Raunak Sadhvani (Hindiston, 2654)

8. Yonas Berre (Daniya, 2641)

9. Volodar Murzin (FIDE, 2635)

10. Mishra Abhimanyu (AQSH, 2627)...

55. Muhiddin Madaminov (2488)