Ikki "Istiqlol" bahsida Jeparov jamoasi yirik hisobda g'alaba qozondi

Xuzestanning "Istiqlol" klubi o'z maydonida Tehronning "Istiqlol" jamoasini qabul qildi. Mehmonlar tarkibida hamyurtimiz Server Jeparov to'p tepishidan xabaringiz bor. 

Uchrashuvning 6-daqiqasida Gafuri, 47-daqiqada Gorbani, 74-daqiqada CHeshmi tomonidan kiritilgan gollar Jeparov jamoasining yirik 3:0 hisobidagi g'alabasini taminladi. 

Serverning o'zi boshlang'ich tarkibda maydonga tushib, 65-daqiqada o'z o'rnini Montazariga bo'shatib berdi. Osiyoning ikki karra eng yaxshi futbolchisi 61-daqiqada sariq kartochka ishlab ham oldi. 

Bu "Istiqlol"ning chempionatdagi ketma-ket uchinchi g'alabasi bo'ldi. Jamoa 26 ochko bilan 4-o'ringa ko'tarilib oldi.