Eldor SHomurodov Eronni yutish siri haqida gapirdi

"Har xil vaziyat bo'ladi, kelishda biroz fors-major holatiga duch keldik. Birinchi kun tiklanish mashg'ulotlari olib borildi", — deydi Eldor SHomurodov.

— Forslarga qarshi o'yin haqida...
— Eron bilan o'yin yaxshi o'tdi, g'alabadan keyin kayfiyat yuqori. Stadionda ajoyib muhit yaratgan muxlislarga rahmat. Hisob har doim turlicha ko'rinish oladi, muhimi g'alaba. Hisobni farqi yo'q.

— Yangi taktikaga o'tishda qiyinchilik bo'lmayaptimi?
— 4-3-3 sxemasiga o'tishda muammo yo'q. Bizda yaxshi darajadagi aqlli futbolchilar bor. Eronni yutishning siri oxirgi yillarda ko'p to'qnash kelayotganimizda. Qolaversa, bizda ham yaxshi yosh futbolchilar etishib chiqmoqda. Terma jamoamiz o'syapti.

— Terma jamoaga jalb qilingan yosh futbolchilar haqida...
— Yaxshi qarshi oldik, ular ham mashg'ulotlarda o'zini ko'rsatmoqda. Murabbiy ularni shunchaki chaqirmagan.

— "Oltin to'p" uchun qaysi futbolchilar munosib?
— To'g'risi, bilmadim.

— Osiyo Kubogiga qadar jamoani shakllantirib olish uchun vaqt etarlimi?
— Yaxshi jamoa shakllantirish uchun vaqt doim kamlik qiladi. Eng yaxshi tayyorgarlik bilan borishga harakat qilamiz.

— Har o'yinda gol urishingiz omadmi yoki mehnat mahsulimi?
— Omad mehnat qilganlarga kulib boqadi.