Ikki tennischimiz Qozog'istondagi turnirni muvaffaqiyatli boshladi

Musobaqada tennischilarimiz Sergey Fomin, Mark Tryakshin va Jo'rabek Karimov ishtirok etishmoqda. 

Bugun Sergey Fomin turnirning 1/16 final bosqichi doirasida mezbon tennischi Zanger Almashevga qarshi o'yin o'tkazdi. 1 soatu 12 daqiqa davom etgan uchrashuvda Fomin 6/1, 6/2 hisobida g'alaba qozonib, keyingi bosqichga chiqdi. Ertaga Fomin 1/8 finalda rossiyalik Andrey CHepelev bilan bahs olib boradi.

SHuningdek, bugun Mark Tryakshin ham qozog'istonlik Arslanbek Aytkulovga qarshi kortga chiqdi.1 soatu 9 daqiqa davom etgan o'yinda tennischimiz raqibini 6/3, 6/1 hisobida mag'lubiyatga uchratib, 1/8 final bosqichiga yo'l oldi. 

Ertaga Tryakshin italiyalik Federiko Bertuchchioliga qarshi o'yin o'tkazadi. Aynan Berdutchchioli 1/16 final bosqichida boshqa bir tennischimiz Jo'rabek Karimovni 6/3, 6/2 hisobida mag'lubiyatga uchratdi.