Indian-Uells. Leyla Fernandesning g'alabali yurishi davom etadi

Jahonning 21-raketkasi kanadalik Leyla Fernandes turnirning uchinchi davra uchrashuvida WTA reytingida 49-o'rinni egallab turgan amerikalik SHelbi Rojersga qarshi kortga chiqdi.

1 soatu 40 daqiqa davom etgan uchrashuvda Leyla raqibasini 6/1, 3/6, 6/3 hisobida mag'lub etdi. Tennischilar o'zaro uchinchi marta to'qnash kelishdi va kanadalik sportchi birinchi marta g'alaba qozondi.

To'rtinchi davrada Fernandes turnirning amaldagi g'olibasi  ispaniyalik Paula Badosaga qarshi bahs olib boradi.