Alkaraz Indian-Uells "Masters" turniri ilk finalchisi

Musobaqaning ilk yarim final uchrashuvida dunyoning ikkinchi va uchinchi raqamli tennischilari - ispaniyalik Karlos Alkaraz hamda italiyalik iqtidor egasi Yannik Sinner o'zaro to'qnash keldi. Yomg'ir sabab uchrashuvning uchinchi geymidan so'ng bahs malum muddatga to'xtatildi. 

Yomg'ir tingach uchrashuv davom ettirildi va yakunda Alkaraz reytingdagi qo'shnisini uch set natijasiga ko'ra mag'lubiyatga uchratdi - 1/6, 6/3, 6/2. Ikki soatu uch daqiqa davom etgan bahsda ikkala tennischi ham ikkitadan qo'shxatoga yo'l qo'ygan.