31 okt 14:13
Yangiliklar

Sport kurashlari

Uch nafar erkin kurashchimiz joy olgan RAF reytingi yangilandi

Real American Freestyle (RAF) promousheni matbuot xizmati tomonidan Liganing yangilangan reytingi elon qilindi.

Ushbu ligada uch nafar erkin kurashchimiz - Mirzobek Hayitov, Parij-2024 Olimpiadasi chempioni Razambek Jamalov hamda Tokio-2020 Olimpiadasi bronza medali sovrindori Bekzod Abdurahmonov o'z bellashuvlarini o'tkazib kelmoqda.

O'rta vazn toifasi vakili bo'lgan Razambek Jamalov yangilangan reytingda 2-o'rinni egallab turibdi. Taymuraz Salkazanov 1-pog'onadan joy olgan ushbu vazn chempioni Devid Karr hisoblanadi.

Ushbu vazndan yana bir erkin kurashchimiz - Mirzobek Hayitov ham joy olgan. U 9-o'rinda qayd etildi.

Jeyson Nolf chempion bo'lib turgan yarim o'rta vazn toifasi reytingiga Bekzod Abdurahmonov kiritilgan. Tokio-2020 Olimpiadasining bronza medali sovrindori 7-o'rinda bormoqda.

Malumot uchun, Razambek Jamalov shu yil iyul oyida amerikalik Jarrett Jakni kichik ustunlik bilan (3-2) taslim etgandi. Mirzobek Hayitov 18 iyul kuni AQSHning Viskonsin shtati, Miluoki shahrida o'tkazilgan RAF 11 turnirida amerikalik Maykl Kaliendoga 2-9 hisobida yutqazgandi. Bekzod Abdurahmonov 14 iyun kuni AQSHning Sent-Luis shahrida tashkil etilgan RAF 10 turnirida Kigan O'Tulga 6-10 imkoniyatni boy bergandi.