31 mar 08:02
Yangiliklar

Tennis

Indian-Uells "Masters"ida zafar quchgan Fritc Mayami turnirini tark etdi

AQSHning Mayami shahrida davom etayotgan "Masters" turnirida navbatdagi 1/8 final uchrashuvi yakunlandi.

Jahonning 13-raketkasi amerikalik Teylor Fritc turnirning to'rtinchi davrasida ATR reytingida 48-o'rinni egallab turgan serbiyalik Miomir Kechmanovichga 6/3, 1/6, 4/6 hisobida mag'lub bo'ldi va musobaqani tark etdi.

Uchrashuv 2 soatu 7 daqiqa davom etdi. O'yin davomida 24 yoshli Fritc sakkizta eys zarbasini amalga oshirib, to'pni o'yinga kiritishda bir marta xatoga yo'l qo'ydi va bitta breykni qayd etdi. 22 yoshli Kechmanovich esa oltita eys amalga oshirib, ikki marta qo'shxatoga yo'l qo'ydi va uchta breyk qayd etdi. O'zaro uchrashuvlardagi hisob qisqardi 3:1, Fritc foydasiga.

Miami Open turnirining chorak finalida Kechmanovich ispaniyalik Karlos Alkarazga qarshi kortga chiqadi.