Indian-Uells. Simona Xalep "Masters"ning yarim finaliga chiqdi

Jahonning 26-raketkasi, ruminiyalik Simona Xalep turnirning chorak finalida WTA reytingida 79-o'rinni egallab turgan xorvatiyalik Petra Martichni 6/1, 6/1 hisobida mag'lub etdi va yarim finalga yo'l oldi. 

53 daqiqa davom etgan uchrashuvda 30 yoshli Xalep bitta eysni amalga oshirdi, to'pni o'yinga kiritishda bir marta xatoga yo'l qo'ydi va beshta breyk-poyntni qayd etdi, 31 yoshli Martich esa bir marta eys amalga oshirib, uchta qo'sh xatoga yo'l qo'ydi. Tennischilar o'rtasidagi hisob 3:2, ruminiyalik sportchi foydasiga hal bo'ldi.

BNP Paribas Open musobaqasining yarim finalida Xalep polshalik Iga Svyontekka qarshi kortga chiqadi.