17 mar 12:28
Yangiliklar

Tennis

Indian-Uells. Tim Raonichni mag'lub etib, finalga chiqdi

AQSHning Indian-Uells shahrida o'tkazilayotgan "Masters" seriyasiga kiruvchi nufuzli turnir o'z yakuni sari yaqinlashmoqda.

Erkaklar o'rtasidagi musobaqada yarim final uchrashuvlari o'tkazilib, finalchilar nomi malum bo'ldi. Rafael Nadal jarohati sabab kortga chiqa olmagani bois, Rojer Federer kurashsiz finalga yo'l oldi.

Dunyoning sakkizinchi raketkasi Dominik Tim qiyin kechgan uchrashuvda kanadalik Milosh Raonichni mag'lub eta oldi. Avstriyalik tennischi reytingning 14-pog'onasidan joy olgan raqibidan 7/6(3), 6/7(3), 6/4 hisobida ustun keldi.

Uchrashuv 2 soatu 31 daqiqa davom etgan. Tim ilk bor Raonichni mag'lubiyatga uchratdi. Bundan avvalgi o'zaro bahslarning ikkitasida Milosh g'alaba qozongan edi. BNP Paribas Open turniri finalida Dominik Tim va Rojer Federer to'qnash kelishadi.