Indian-Uells. Top-10 dagi yana bir tennischi turnirni tark etdi

Jahonning beshinchi raketkasi, greciyalik Stefanos Cicipas turnirning uchinchi davrasida ATR reytingida 43-o'rinni egallab turgan amerikalik Jenson Bruksbiga 6/1, 3/6, 2/6 hisobida mag'lub bo'ldi.

Uchrashuv 2 soatu 4 daqiqa davom etdi. O'yinda Stefanos uchta eys qayd etdi va uch marta qo'shxatoga yo'l qo'ydi. Jenson esa ikki marta eys amalga oshirib, to'pni o'yinga kiritishda ikki bor xato qildi. Bungacha tennischilar o'zaro to'qnash kelishmagan. Bruksbi birinchi marta Top-10 o'yinchisini mag'lub etdi.

 Amerikalik tennischi 1/8 finalda britaniyalik Kemeron Norri bilan to'qnash keladi.