Indoneziya Parlamenti delegaciyasi bilan turizm va sport bo'yicha hamkorlik masalalari muhokama qilindi

Uchrashuvda Indoneziya Parlamenti qo'mitasi raisi o'rinbosarlari, mazkur davlatning “MetroTV” telekanali, “Kumparan” va “Detik.com” axborot agentliklari bosh muharrirlari hamda Indoneziya Respublikasining O'zbekistondagi elchisi K.Sunaryo ishtirok etishdi.

Tomonlar O'zbekiston va Indoneziya davlatlari o'rtasidagi munosabatlar rivojlanishi, iqtisodiy, turizm va madaniy sohalarda olib borilayotgan hamkorlik ishlari to'g'risida fikr almashishdi.

Uchrashuv davomida O'zbekiston hukumati tomonidan Indoneziya fuqarolari uchun joriy qilingan vizasiz tizim, ziyorat turizmini rivojlantirish, aviaqatnovlarni diversifikaciya qilish va turizm sohasiga xorijiy investiciyalarni jalb qilish masalalariga alohida to'xtalib o'tildi.

Xususan, Indoneziya fuqarolari uchun Haj va Umra ziyorati oldidan “UMRA+O'zbekiston” dasturini yo'lga qo'yish, yurtimiz aeroportlaridan imtiyozli foydalanib, charter reyslar tashkil etish imkoniyatlari haqida batafsil malumot berildi.

SHuningdek, Indoneziyaning birinchi prezidenti janob Sukarnoning 1956 yilda amalga oshirgan tarixiy tashrifi va Imom Buxoriy maqbarasiga ziyorati bilan bog'lab yangi marshrut yaratilganiga alohida urg'u berildi.

O'z navbatida, R.Gobel Indoneziya delegaciyasining iliq va yuqori darajada kutib olingani uchun minnatdorchilik bildirib, hamkorlik istiqbollarini yuqori bosqichga olib chiqishga tayyorlik uchun O'zbekiston tomoniga alohida minnatdorchilik bildirdi.

R.Gobel delegaciyasi tarkibida “MetroTV”, Detik.com hamda “Kumparan” axborot agentliklari bosh muharrirlarini taklif etilishiga asosiy sabab, Indoneziyaning mazkur etakchi OAVlari orqali O'zbekistonning turizm salohiyati, madaniy meros obektlari, ziyoratgohlari va savdo-iqtisodiy imkoniyatlarini keng yoritilishini taminlash, shu orqali ikki tomonlama hamkorlikni yuqori bosqichga olib chiqishga erishish ekanligi bildirildi.

SHuningdek, tomonlar indoneziyalik dunyoning eng kuchli badminton ustalaridan bo'lgan Tofik Xidayat va boshqa sportchilarni O'zbekistonga tashrifini tashkil etish, yoshlar uchun mahorat darslari o'tkazishni kelishib olishdi.