Inesta "Barselona"ga qaytmoqchi

"Agar hammasi menga bog'liq bo'lganida, qaytgan bo'lardim. Ammo kelajakda bizni nima kutayotganini bilmaymiz. Kelajak uchun uzoq muddatli rejalar tuzish qiyin. O'zimga mos rolda o'ynamoqchiman. SHundagina uzoq yillar to'plagan tajribamni qolganlar bilan baham ko'rishim mumkin" - deydi 34 yoshli xavbek.

Inesta "Barselona" tarbiyalanuvchisi hisoblanadi. U Kataloniya klubi safida 674ta uchrashuvda maydonga tushib, 57ta gol urgan va 32ta sovrin qo'lga kiritgan. 2018 yilning yozida yarim himoyachi erkin agent sifatida "Vissel Kobe"ga o'tdi.