Iroda To'laganova katta tennisga qaytmoqchi

"Yakkalik bahslarda marraga etib keldim. Yoshim va sog'lig'im tufayli kortga boshqa qayta olmayman. Ammo, sportdagi faoliyatim hali tugagani yo'q. Fursatdan foydalanib, bir yangilikni aytmoqchiman. 2018 yildan tennisga juftlikdagi o'yinchi sifatida qaytayapman. Ayni kunlarda murabbiylikdan tashqari o'zim ham o'yinlarga tayyorlanmoqdaman. Xalqaro tennis turnirlarida ishtirok etib, boshqa tennischilarga yordamim tegsa, bundan xursand bo'laman.

Kim sherik bo'ladi? Yurtimizda Oygul Omonmurodova, Nigina Abduraimova, Kamola Umarova, Laylo Bahodirova, Yasmina Karimjonova, Arina Folc kabi tennischilar ko'p. Aynan kim bilan kortga tushishimni esa o'yinga yaqin qolganda aniqlaymiz", - deb aytib o'tdi To'laganova "Darakchi" gazetasiga bergan intervyusida.