Iroda To'laganova - O'zbekiston tennis federaciyasi bosh kotibi

Bu haqida MOQ matbuot xizmati xabar bermoqda. Unda O'zbekiston Milliy olimpiya qo'mitasi Bosh kotibi Jasur Matchanov, O'zbekiston sport faxriylari kengashi raisi Komiljon Xudoyberganov, O'zbekiston tennis federaciyasi mutasaddilari hamda OAV xodimlari ishtirok etishdi.

Konferenciya kun tartibidan o'rin olgan eng asosiy masala federaciyaga bosh kotib saylashdan iborat edi. SHuni inobatga olgan holda yig'ilish ishtirokchilarga o'zbek tennisining yorqin vakillaridan biri, bugungi kunda O'zbekiston ayollar terma jamoasi sardori sifatida faoliyat olib borayotgan Iroda To'laganova nomzodi ilgari surildi. Yig'ilish ishtirokchilari bir ovozdan ko'rsatilgan nomzodni qo'llab-quvvatlashdi. SHu tariqa, Iroda To'laganova O'zbekiston tennis federaciyasi bosh kotibi lavozimiga saylandi.

"Avvalambor bildirilgan ishonch uchun minnatchilik bildirmoqchiman. Federaciyamiz raisi, bosh kotibiga ham rahmat. Aynan ularning qo'l ostida men Iroda To'laganova sifatida tanilganman. Bungacha ular tomonidan katta hajmdagi ish olib borilgan. Menga ishonganingiz uchun rahmat. Federaciyamiz rivojlanishi uchun qo'ldan kelgan barcha ishni qilaman", - dedi Iroda To'laganova.

Malumot uchun, Iroda To'laganova 1982 yilning 7 yanvarida tavallud topgan. Tennischilik faoliyati davomida yakkalik bahslarida 3 ta WTA, 3 ta ITF turnirlarida g'alaba qozongan. Jahon reytingida 16-o'ringacha ko'tarilgan. "O'zbekiston iftihori" faxriy unvoni, "SHuhrat" medali sohibasi.

Konferenciya davomida bungacha federaciyada 20 yildan ortiq vaqt davomida bosh kotib sifatida faoliyat olib borgan Igor SHepelevga minnatdorchilik bildirildi va o'zbek tennisi rivoji yo'lida amalga oshirgan ishlari alohida qayd etildi. SHuning bilan O'zbekiston tennis federaciyasining navbatdan tashqari hisobot-saylov konferenciyasi yakuniga etdi.