07 fev 11:01
Yangiliklar

Tennis

Istomin Dallas turniridagi ishtirokini yakunladi

AQSHning Texas shtati Dallas shahrida tennis bo'yicha "CHellenjer" turkumiga kiruvchi turnir bo'lib o'tmoqda.

Sovrin jamg'armasi 108 ming 320 AQSH dollardan iborat ushbu turnirda hamyurtimiz Denis Istomin ham ishtirok etayotgan edi. Musobaqada 13-raqam ostida tasniflangan mamlakatimizning birinchi raketkasi chorak final ostonasida o'z yurishini to'xtatdi.

Ikkinchi bosqichda chililik Alexandro Tabilodan ustun kelgan yurtdoshimiz nimchorak final uchrashuvida ATP reytingida 92-o'rinni egallab turgan germaniyalik Dominik Kyopferga 6:7(4), 3:6 hisobida yutqazib qo'ydi. Denis esa reytingning 164-pog'onasidan joy olgandi.