Istomin Kolumbus turnirida 1/2 finalga chiqdi

Ushbu musobaqada O'zbekistonning birinchi raketkasi Denis Istomin (reytingda 165-o'rin) ham muvaffaqiyatli ishtirok etyapti. Bahslarga to'g'ridan-to'g'ri ikkinchi bosqichdan qo'shilgan hamyurtimiz musobaqaning yarim finaliga yo'l oldi. 

Istomin chorak final uchrashuvida reytingning 254-pog'onasidan joy olib turgan avstraliyalik Aleksandr Vukichga qarshi kortga chiqdi. 57 daqiqa davom etgan bahsda turnirning beshinchi raketkasi bo'lgan Denis raqibini 6:3, 6:2 hisobida mag'lub etdi. Bugun tennischimiz final chiptasi uchun avstriyalik Yuriy Rodionov bilan hisob-kitob qiladi.