16 okt 15:44
Yangiliklar

Tennis

Istomin Kremlin Cup saralashida kortga chiqdi

Xabar berganimizdek, 18-24 oktyabr kunlari Rossiya Federaciyasining Moskva shahrida tennis bo'yicha nufuzli ATP turnirining asosiy to'r bahslari bo'lib o'tadi.

Mukofot jamg'armasi 779,515 dollarni tashkil qiluvchi musobaqada hamyurtimiz Denis Istomin ham o'z omadini sinab ko'rdi. Kutilganidek, mamlakatimizning birinchi raketkasi hozirgina yakuniga etgan uchrashuvda avstriyalik Yuriy Rodionovga imkoniyatni boy berib qo'ydi - 4/6, 2/6.

Taqqoslash uchun, Istomin ayni paytda ATP reytingida 224, Rodionov esa 142-o'rinni egallab turibdi. Bu tennischilarning o'zaro o'tkazgan ikkinchi uchrashuvi bo'ldi. Ular 2020 yilning 29 fevral kuni AQSHdagi "CHellenjer" turnirining yarim finalida o'zaro to'qnash kelishgan va o'shanda Denis raqibini 6/3, 7/6(1) hisobida mag'lub etgandi.