02 okt 12:25
Yangiliklar
Tennis
Istominning raqibi aniqlandi, Almatida “o'zbekcha derbi” bo'lmaydi
Xabar berganimizdek, shu kunlarda Qozog'istonning Almati shahrida tennis bo'yicha “CHellenjer” turkumiga kiruvchi turnir davom etmoqda.
Sovrin jamg'armasi 50 000 AQSH dollarini tashkil qiluvchi ushbu turnirda hamyurtimiz Denis Istomin birinchi raqam ostida harakat qilyapti. Bundan bir necha daqiqa avval Denisning ikkinchi davradagi raqibi aniqlandi. U Muhammad Safvat bo'ldi.
Misrlik bu tennischi istedodli hamyurtimiz Humoyun Sultonovni 182 daqiqa davom etgan dramatik uchrashuv yakunida 6:2, 4:6, 7:6, taybrekda 7:4 hisobida mag'lub etishning uddasidan chiqdi. Istomin esa kecha portugaliyalik Frederiku Silvani 6:3, 7:5 hisobida taslim etgandi.
Havola :
Manba : olamsport.com
Fikrlar